唔記得熄閃光燈,一影就嚇到走左....

有人餵既流浪貓都有唔少成員... 仲有一隻係鏡頭外面...

快快走佬... 速逃! ^^"

總是遇上成日都唔開心既人... 樣樣野都要就住佢地,好攰呀!成日怕講錯野刺激到佢地,令到佢地唔開心... 下下都要遷就佢地(就到既都就,甚至忽略自己既意願),目的想佢地開心d... 但係,對住d心情成日都唔好既人,真係好攰呀! 又唔可以話佢地,性格如是,我仲可以點做? 成日要氹佢地開心,成日要聽佢地發牢騷,令到心情本來幾好既我,要陪佢地一齊去感受佢地既不快/不滿... 唉!

仲要係身邊唔只一個係咁... 命運如此?!  

試過同兩個朋友MSN,佢地一齊唔開心,我兩個都要開解/安慰,要聽佢地訴苦,仲要氹番佢地開心... 返工返學都好攰啦,休息時間好少仲要去同時安慰兩個人(當時覺得自己好慘)... 不過,有幸做到朋友既聆聽者,代表佢地信任你,係好事,不過有時真係好攰.......

 多謝你聽(睇)我訴苦!  I am always happy...

唔知點解當時想影佢,而家睇番又好似冇咩值得影 ^^"

係南生圍見到一隻自得其樂既小狗,一塊布可以令佢樂上半天... 真易於滿足!

人就唔可以,得一想二... 上經濟學既堂時,呀Sir一開始就話: "Human has unlimited wants..."

聽到有個駐地盤既同事自殺,幸好發現得早... 個同事都幾靚仔,仲好後生,性格都幾開朗,成日撩其他人講野既,完全唔似自殺既人... 好似話為工作同讀書既壓力,不過有勇氣去自殺,冇勇氣辭職/唔讀書,我覺得佢係咪鑽左牛角尖呢? 有咩咁大不了要去尋短見? 唔明!

我睇唔地自殺既人,有一年有個親人做大手術,我係手術室門口等... 見到一個女人為情自殺,仲要係唔止一次....一個生病既人努力求生,但身體健康既人卻去尋死,當時感到好諷刺! 有健康既身體已經係最大既恩賜,相對黎講咩都唔係問題,總可以解決啩?

有幾多人曾經走過呢個海灘呢? (攝於長洲東灣)

長洲既擺酒通知牌,好得意!