呢個係一個好耐冇見既人既生日... 都有差唔多十年冇見過佢,唔知點解到時到候到呢一日會想起呢個人? Anyway,生日快樂! 不過你應該唔會睇到呢個post! 如果睇到既話,你又會唔會記得我o係你生命中出現過?!

好鍾意送小禮物俾人... 覺得係對你care既人既小小心意,見到佢地收到時開心既樣,你就會覺得好開心... 你都買番份小禮物俾你身邊既朋友/親人啦(唔駛好貴架咋,野食都得架)... 不過最好係要實用架喎!

P.S. 成日收到我既禮物既人唔駛覺得唔好意思,你只要俾番個笑容我就夠架喇...

尋日隻錶停左,應該係冇電... 本應停左係10:14,但我覺得較到去5:00會開心一d,因為係我既放工時間!雖然唔係真既,不過有時騙下自己,都係件好事!

一件事係開心定唔開心,係視乎自己點諗... 如期想整個世界為你而改變,不如自己諗下點去適應仲好啦...

要日日用力 重複"畢"雪糕球，對手腕既傷害唔知有幾大呢?仲要'鳥'埋個身，唔知有勞損時有冇得賠償呢?　唔知有冇電動'畢'雪糕既羹呢?

上星期六去迪士尼,睇米奇老鼠音樂劇時,有個妹妹問我,呢個好唔好睇架,我答佢好好睇架,本應氣氛愉快,妹妹也很有禮貌,不過當佢媽媽一直不斷用粗口大聲鬧佢坐係一邊既姐姐時,我覺得佢好慘... 三個女兒都好乖,其中兩個玩得倦,所以坐左係地下...但佢地呀媽不斷用粗口叫兩個女起身,唔准坐係地下,唔係就走... 佢地呀爸初初唔出聲,之後見老婆罵得太兇,竟用粗口鬧番個老婆... 附近既人都怕左呢家人,留左好多位俾佢地,仲見個媽媽打個大女...唉,究竟d人知唔知點樣教仔?知唔知咩叫以身作則? 父母都勁講粗口(雖然我做工程公司,d同事們都成日講,但都冇佢兩個講得咁勁呀),難得三個女都幾乖,佢地根本冇曵,見倦坐係地有咩關係?當時排緊隊等緊,又未入得去,阻唔到人,坐係地又何妨?

俾得成家人既門票去迪士尼,都係想一家人開開心心啫,可必令到班小朋友唔開心呢? 我替三個細路女慘,有咁既父母,平日都唔會太好過... 父母o係仔女面前嗌交,對仔女既傷害,絕對不比你打佢既身體少...

變身前後的mochai水滴...

有草菇林,好靚呀...

今日落大雨,有個小朋友走左入我屋企... 好彩唔係飛小強先生(touchwood先,唔好俾我見到佢呀)... 蜻蜓先生係我屋企避雨,仲係我隻兔公仔上面停留... 剛剛養左蝸牛小姐,而家又見蜻蜓先生.... 搞咩野咁多昆蟲? 

尋晚一點收到個唔係好熟既朋友既電話,佢話佢隻寵物早上睇完皮膚病,返到屋企直到夜晚都唔多願食野,又冇屎,好唔妥咁...問我點算... 唉,我又唔係獸醫,問我都幫唔到幾多,淨係可以叫佢冷靜d,唔好俾佢脫水,注意保暖同埋盡量引佢自己食野... 最好就call急症... 但佢話第二朝又無法請假,屋企人又冇人幫手... 唔知點好...

有時真係好無奈,明知自己唔可以隨便請假,就唔好再收養多一隻寵物... 雖然俾到個家俾隻遺棄動物係好事,但係... 有事時理唔到佢,咪一樣害左佢?!  

 養寵物之前,真係要 - 停一停,諗清楚先好呀! 要做個負責任既主人...

成日都冇人留言俾我,唉,都慣架喇... 算把啦!

睇開d啦,唔羨慕得咁多...