唔明係達文西密碼套戲度,美術館館長被"天使"開鎗打中之後,仲可以去其仔兩幅畫度留低血漬(未中鎗前冇血漬),死之前仲可以畫咁多符號,寫咁多野,思路咁清晰?!中左鎗仲可以做咁多野先死,點解唔去醫院?? 唔明呀?!

點解為左爭奪聖杯,不惜殺人,"Teacher"仲殺埋個下屬,"Angel"殺左sister同其他人,宗教唔係應該導人向善??十誡入面唔係有一條"無殺人"架咩???

知就黎要考試喇mochai水滴,唔駛同你玩下都提住我既... :(

係咪1000度會變第二款架?而家有902喇,要勤力d寫... ^^

有d唔明身邊既人,買股票比原先賺得少就係度唔開心,都唔諗下有d人生活都成問題,有個老師朋友既學生(小學)更加係冇錢俾飯錢,要捱餓... 人地咪仲慘,有閒錢買股票已經好過好多人,比好多人幸福,點解仲要睇唔開,自怨自艾呢?係咪人係冇知足架呢?!

冇人叫你將全部錢拿去投資架?投資一定有升有跌,升左咁多,跌番落黎有咩出奇喎?股票升跌影響自己既情緒,係咪屬於不智呢?輸少咪當羸囉...

唔知係咪太耐冇寫野,今日click mochai,佢變左個超大隻既菇黎食 ?! 食完就瞓?!懶蟲,似足佢呀媽我... ^^"

唔知由幾時開始,我對身邊既事不聞不問... 唔睇報紙,唔睇八卦雜誌,唔想知部錄影機點預錄,股市升幾點,唔打電腦遊戲,唔聽歌,唔唱K(變左一個悶蛋?)... 但我會睇電視新聞,東張西望,最低限度會知少少,但都唔會刻意去知,好似唔係太多野值得我去留意咁... 每日只想返到屋企同兔仔玩一陣,上上網知道朋友既blog既野,睇一陣電視,咁就一日!(生活簡單?!)

日日都好似過得好快,但其實我冇野唔開心(我成日都笑架喎,心情輕鬆愉快),又唔係覺得悶,但總好似時間唔見駛,成日都好忙咁,但又唔知忙d咩野?!書又唔見睇下,功課又到最後一日先去做,究竟搞咩呢?讀書對於我黎講只花好少時間,我用於上網/寫blog既時間一定比讀書多,工作又冇咩壓力,唔知點解我咩都唔想理呢?係咪太夜瞓既後遺症呢?!

今日見個blog冇寫十日,所以想寫下... 唔係實餓死我既水滴mochai,佢仲未夠1000度,我想佢變兔仔樣呀! :)

有時間既話,做d手作仔,人都會開心d...剪好了紙樣,但冇線同棉花,要去買... 一放低左,就唔知幾時先有心情做...買唔到黑兔公仔,所以我打算自己做一個... 我一定會完成佢既! ^^

無論你幾攰,幾唔願意,你都要行上去,才可以到達你想去既地方/達到目的  (如果冇電梯搭同冇其他選擇既話...)

影呢條樓梯係因為係台灣返酒店時必要行一條長樓梯,呢條係另一個出口既樓梯,但設有電梯,但返酒店既那一邊就冇... 行到腳軟都仲要行一條長樓梯先可以返酒店... 攝於善導寺捷運站

傑斗 - Kidult,意即長唔大(大唔透)既成年人,喜歡玩/買玩具... 我都好鍾意買得意既精品/玩具... 因為實在太得意,所以忍唔住手買左其中兩款... ^^"

睇下佢幾得意?

個雪櫃仲係開得既添呀!全個都係用木造... ^^

雪櫃入面仲有罐啤酒... 多士爐個包都有唔同表情! :)

買少少野氹下自己開心,有咩唔啱喎?仲咩要stereotype人地係Kidult?