好討厭佢update完自己reboot,人地行開左一陣,就自己reboot,人地做緊野,無啦啦自己auto-reboot,如果人地打緊份文件無晒,有冇得賠呀! 霸道呀!
有個同事每日都埋怨好多野做,條命好苦,叫佢轉工,又話條命生成咁,去到邊都係一樣...佢既兄弟好多野都推俾佢做,叫左佢企硬d唔好幫佢地做,咪可以迫佢地自己做番,佢又話冇用,到頭來又係要佢做... 其實好多野在乎你點睇,做得唔開心,咪走囉,走唔甩,咪做囉...兄弟唔做野,咪同老細講囉,老細都唔理,你咪認命死死地氣做... 日日都係度搵身邊既人埋怨,都無補於事,所有身邊既人(包括我),初初都好同情佢,開解佢,覺得佢幾慘....但佢日日心情都火羅,攪到身邊既人都好難受,近幾日仲係我食晚飯時,星期日都打黎繼續講佢既苦況...唉,人地明明放假心情幾好架,有時做緊自己野,你一打黎又要陪你火羅,同男友食緊晚飯又要安慰佢...又唔可以話佢,唔係連朋友都冇得做!
但係,日日都係咁,我地幾個身邊人都好辛苦囉,都唔知同佢講咩好,要講既都講晒,佢都仲係咁,係度又唔可以改變現狀,咁仲咩唔走,出去闖下?雖然話做朋友要Share開心同唔開心既野,但日日都係咁,好影響其他人...我驚我有一日頂唔順話番佢...但我唔想冇左呢個朋友,佢其實心地幾好,係固執d,幾肯幫人,但就係睇唔開... 唉,我可以點呀!!!希望佢快d轉工啦....
朋友係教書既,有一次常識題既題目,如下:
以下那一位不是中國人?
1) 李白 2) 華盛頓 3) 屈原 4) 孫中山
你估一班小學生,會答邊個呢?其實答案你同我都識,但係朋友班學生入面,有成4成人答左 - 孫中山唔係中國人! 真係暈低... 問朋友點解,佢答以前我地會放孫中山壽辰(好似有呢日假期放),而家冇,所以小朋友唔識佢係邊個... 個個都識床前明月光既李白,端午節有糉食既屈原... 但係,華盛頓點解都當係中國人呢???真係唔明... 中國人有人姓華,但都有唔少人姓孫... 真係唔明點解咁多人答錯! 孫中山係國父...咁都唔識...
